Kohët e fundit, çdokush po bëhet i ndërgjegjshëm për situatën dramatike që sjell udhëtimi për Shkodër (zonat e Veriut) dhe anasjelltas nga Shkodra “gjetkë”… Po sa rriten shpenzimet e shkodranëve në vit si rezultat i trafikut të tmerrshëm…?! Le të marrim shembull.
Qarku Shkodër sipas CENSIT 2023, ka 150,000 banorë dhe gjithashtu banorët e ketij qarku zotërojne 50,000 autovetura. Le të supozojmë se 4% e tyre lëvizin të paktën 1 herë në muaj për Tiranë (vetëm në Bashkine Shkodër aktualisht jetojnë 102,000 banore) që për arsye të ndryshme, levizin nga Shkodra drejt Jugut. Kjo shifër është minimale por gjithkush mund ta korigjoje me +/- sipas dëshirës.
Nga shpejtësia tmerrësisht e ulët e lëvizjes Shkodër- Tiranë- Shkodër, konsumi i karburantit dhe rrjedhimisht kostoja e tij, minimalisht rritet 10 euro/për një udhëtim vajtje- ardhje. Koha e shpenzuar (qëndrim në trafik me orë të tëra që ditët e fundit janë mbi 4 orë për një rrugë) që ka koston më të madhe, po u’a lë juve, ta llogarisë secili sa e ka ditën e punës së munguar…
-2,000 mjete x 10 € = 20,000 € në ditë shpenzim i kotë karburanti.
-Në vit – 365 ditë x 20,000 €=7,300,000 €.
Pra kostoja shtesë për qytetarët në vit është afërsisht 7 MLN Euro. Le ti shtojmë shpenzimet e pagesës për 20km autostradë. Sipas statistikave në traun e autostradës në verë kalojnë mesatarisht 30,000 mjete në ditë. Po rrijmë sërish në minimalen nga qarku Shkodë kalojnë… 2,000 mjete në ditë.
-2,000 x 5 € x 365 = 3.65 milion euro në vit.
Gjithsej, afërsisht 7,000,000 + 3,650,000 = 11 milion euro në vit. Kosto shtesë vetëm nga trafiku për qarkun Shkodër është 75 euro në vit për banor.
Këtu nuk futen siç thashë më sipër, shpenzimet për kohën e humbur, rritja e kostos së mallrave, falimentimi bizneseve si rezultat i kësaj klime biznesi dhe disavantazhi në konkurrencë… etc etc. A e bëjmë vetë autostradën???? /Nga Fatlum NURJA, publikuar në Facebook/
