Jo me pushtet, por me vlera. Jo me dhunë, por me vizion. A nuk ishin të djathtët ata që u burgosën për fjalën e lirë? Sot ajo ekziston — dhe e shijojnë edhe ish- komunistët.
A nuk ishin ata që kërkonin pluralizëm, ndërsa u burgosën, u torturuan, u pushkatuan në emër të diktaturës? Sot pluralizmi është realitet. Kërkesat e tyre u bënë normë.
A nuk kërkuan ata ekonomi tregu dhe kapitalizëm, ndërsa u shpronësuan e u lanë pa zë? Sot, edhe ish- shtypësit janë pas kapitalit — edhe pse përmes vjedhjes. Por parimet? Të djathta.
Ata ishin pro Perëndimit, kundër Rusisë, Kinës dhe sllavëve. Sot të gjithë kërkojnë BE-në, NATO-n, SHBA-në. Idetë e tyre fituan.
Në kohën e Mbretërisë, shqiptarët kishin pasaporta të respektuara në botë. Sot po kërkojmë pikërisht atë — pas 80 vitesh.
E majta premton euron. Por ne kishim një monedhë kombëtare të garantuar nga bota. Sot duam të kthehemi atje ku ishim.
Liritë fetare? Të djathtët i mbronin para 80 vitesh.
Komunistët i burgosën besimtarët. Sot bëjnë si të devotshëm në faltore.
Fjalën e lirë, organizimin politik, i kërkuan të djathtët. E paguan me burg, me jetë. Sot këto liri i gëzojnë edhe shtypësit e djeshëm.
E djathta nuk humbi. Ajo fitoi me dinjitet. Me kosto të lartë, por me kokën lart. Me qartësi, me dashuri për atdheun. Lavdi të parëve tanë! /Nga Fatlum NURJA, publikuar në Facebook/
