Gjykata Kushtetuese vendosi normën e tatimit 0% për Personat fizik, individë tregtarë dhe të vetëpunësuar, të cilët furnizojnë shërbime profesionale.
Nga pyetjet që i drejtova Ministrit të Financave, e konfirmoi që Drejtoria e Tatimeve po përgatit një udhëzim me të cilin i kërkon plotësimin e deklaratës së të ardhurave vjetore si individ të vetëpunësuarve , të cilët 80% të të ardhurave i sigurojnë nga 1 klient, ose 90% nga më pak se 3 klientë.
Qeveria, që për 6 muaj me radhë, nuk pranoi të kthente këstet e parapaguara të tatim fitimit, edhe tani po vazhdon interpretimin dhe moszbatimin e vendimit të Gjykatës Kushtetuese.
Por ndërkohë po detyron punonjësit me të ardhura 1.2 mln në vit, të bëjnë deklaratë në tatime dhe në rast moskryerje në afat, të gjobiten.
Ndërsa përjashton klientët e vet me resorte, hotele me 4,5 yje (që ia ka dhënë vetë me procedura jo transparente), mos të paguajnë asnjë lek tatim fitimi, ose klientë të tjerë me norma të zbritura, të punësuarit do të paguajnë 13% dhe 23%.
Dhe në rast mosplotësimi të deklaratës, do marrin edhe gjobën.
Ky ligj, që trajton në mënyrë të pabarabartë qytetarët shqiptar, në favor të pakicës, do të marrë fund më 11 maj.
Kjo qeveri nuk mendon për qytetarët, por vetëm për klientët e saj, për oligarkët, për botën e krimit me të cilën bashkëpunon haptas.
Me 11 maj, shqiptarët do të votojnë ndryshimin, të shpëtojnë nga zgjedha mbytëse e kësaj qeverie. /Nga Emilia KOLIQI, deputete e Shkodrës, publikuar në Facebook/
