Tashmë po bëhet 1 vit nga terrori i Bandës se Edi Ramës në Theth, terror që nuk do harrohet kurrë!
Atëherë kur Thethi rrethohej nga armët e kësaj bande shtetërore, ku banorët shihnin me sy të përlotur dhe me shpirt të shkatërruar se si shteti, nën kërcënimin e armëve dhe tritolit, i shëmbte pasurinë e gjithë jetës së tyre, të ndërtuar në trojet e tyre me shumë mund e sakrifica!
Këto janë pak nga pamjet më të trishta të një shteti grabitës që trajton si kriminelë pronarët trashëgimtarë të këtyre tokave, që ju shëmb pa pikë mëshire objektet e ndërtuara me djersë e gjak, vetëm për t’ju grabitur pronat e tyre dhe për t’ja falur ortakëve-oligarkë të “Paketës së Alpeve”!
Sot, pas pothuajse një viti është shumë e thjeshtë të kërkosh falje me dy fjalë….Është shumë e thjeshtë të pikosh lot e të numërosh shenjtorët, sot kur gjithçka është shkatërruar dhe projekti i Ramës është bërë fakt….Terrori policesk i Ramës dhe i pinjollit të tij, Becit të SPAKUT, u shëmbi atyre banorëve gjithçka ‘kishin mbas shpirtit’…
Mercenarët-marioneta të Ramës dhe Becit të SPAK-ut ligjëruan me votën e tyre “PRO” në Këshill Bashkiak e në Parlament grabitjen dhe tjetërsimit e pronës, përmes projektit korruptiv dhe tjetërsues “Paketa e Maleve”!
Sot është e thjeshtë të ‘kjash’ kur ke mbrojtur projektin më kriminal me forcën e kartonit “PRO” të blerë me para’ krimi e droge… Sot lotët janë të kotë, nuk kanë asnjë vlerë! Banorët duhej të mbështeteshin atëherë kur e gjithë pasuria e jetës së tyre po u shëmbej nën këmbë. Atëherë duhej guxim për të qënë pranë banorëve, për t’i mbrojtur dhe për të denoncuar terrorin shtetëror! Sot, ndjesa është hipokrizi dhe ‘lotët’ janë pesha e mëkatit….
Edi Rama, Benet Beci dhe gjithë banditët në pushtet meritojnë të tërhiqen zvarrë prej posteve të grabitura dhe zyrave që kanë uzurpuar duke bashkëpunuar ngushtë me bandat e krimit, oligarkët e pangopur dhe duke blerë ‘vullnetin’ e një populli të varfër me paratë e krimit dhe drogës!
Protesta kurrë nuk duhet të ndalet deri në rrëzimin e diktatorit Rama dhe ‘vrasësve’ të Shqipërisë dhe shqiptarëve…. Thethi, është tashmë një histori e dhimbshme për t’u kujtuar dhe për mos t’u harruar… /Nga Eliona KODRA SHKRELI, publikuar në Facebook/
