Gjenet e inteligjencës janë të vendosura në kromozomin X dhe duke qenë se mamatë mbartin kombinimin XX kjo do të thotë që fëmijët kanë më shumë gjasa për të marrë inteligjencën nga mamaja. Këtë konstatim biologjik, pasi që për momentin nuk kemi kundërpërgjigje, duhet marrë si të sakte!
Në fshatin Fishtë, buzë rrugës Lezhë e Vau i Dejes, që nga dt. 22. XII. 2022, thuhej se diçka por ndërtohej! Në tabelën sqaruese shkruhej : “Itinerari kulturor-Gjurmët fishtiane”,- Objekti muzeal në vendlindjen e Poetit Kombëtar Gjergj Fishta. Pas një kohe të gjatë punimesh, një ditë të bukur, në mesin e vitit 2024, në atë natyrë të mrekullueshme e të gjelbëruar, në vend të një kulle të bukur Fishtjane, dolën në dukje disa panele të mëdha betoni të sistemuar më një formë ndërtimi të një lloje lokali pijesh të ashpra, ama aromatike, shoqërua më një kullë vrojtimi apo më mirë të them, kabine elektrike.
Vajta atje, për të parë, a thua mos ka mbetur të paktën ndonjë gur themeli të asaj kulle ku lindi poetit kombëtar Atë Fishta, e as atë nuk gjeta! Eh tani mbetëm pa gjurme e aromë, vendlindje edhe pa imazhin e asaj kulle që kemi parë në fotografi! Tani mendova në vete, si ta pagëzoja këtë “ndërtim” – shkatërrim edhe të themeleve të shtëpisë! Pas pak më doli ideja se, ajo nuk mund të quhet ndryshe, por vetëm: Kromozoni X (Iks) e cili do inaugurohet këto ditë.
E shtëpia e dytë e “Itinerari kulturor-Gjurmët fishtiane”, është ajo e Alfabetit të Shoqërisë Bashkim në Shkodër e cila është në shkatërrimi e sipër. Sapo aty të ndërtohet pallati i shoqëruar më ndonjë lokal tjetër, do quhet: Kromozoni XX. “Kështu na ishte shkrue” thotë fjala e popullit, që Monumentet e Kulturës dhe figuratë e spikatura kombëtar si dhe ngjarjet historikë, tani e tutje do shënohen, me emërtimet e kromozonëve gjenetike. /Nga Dom Nikë UKGJINI, publikuar në Facebook/
