NGA BLEDIAN KOKA – KESH- i i Ergys Vjerdho, 3 milionë euro për 24 orë…!

KESH-i i drejtuar nga Ergys Vjerdho vetëm sot i kushtoi taksapaguesve shqiptarë 3 milionë euro dëm. Po them dëm, për të mos thënë vjedhje. Çfarë ka ndodhur? Sot Korporata Elektroenergjitike Shqiptare zhvilloi tender për blejren e energjisë për 1 javë (1 deri në 7 gusht). KESH arriti të blejë vetëm një lot energji prej 28.560 MWh me vlerë 521.47 euro, gati 15 milione euro në total.

Tenderi u hap sot në ora 10.00, u mbyll në ora 13.00 dhe në orën 15.00 u shpall fituesi. Ndërkohë sipas bursës, nesër çmimi i energjisë do të jetë 408.28 euro për MWh. Pra sikur Ergys Vjerdho i KESH të kishte pritur vetëm 12 orë, nesër KESH do të paguante vetëm 13 milione euro për energjinë që ka blerë për një jave, ose me sakte 3 MILIONË EURO MË LIRË.


Thënë kjo, KESH ka zhvilluar nga janari deri më sot mbi 60 tendera për blerjen e energjisë me një total prej 300 milionë euro. Çmimi mesatar i energjisë në janar ka qenë 204 euro për MWh. Sikur qeveria të ishte shqetësuar për krizën e energjisë dhe kursimin e parave do ta kishte blerë një fashë të energjisë të sigurt që atëherë për gjithë vitin, por krizë nuk ka.

Energji në treg ka plot dhe me çmim të arsyeshëm. E vetmja emergjencë që kjo qeveri ka, është grabitja e parave përmes tenderave okult dhe energjia është një thes i madh për të futur duart si taksa ashtu edhe në xhepat e shqiptarëve që pritet tu fryhen edhe më shumë fatuart e energjisë nga çakejt e Rilindjes!

P.S…Po të kishte SPAK do të mjaftonte ky tender i sotëm skandaloz i KESH për ta marrë Ergys Vjerdhon brenda, për të mos thënë që po i njëjti duhet ta kishte prere biletën me tenderat korruptiv që ka bëre në ARRSH! /Nga Bledian KOKA, publikuar në Facebook/