NGA BEKIM MEMA – Përtej të majtës e së djathtës e afër punës për Shkodrën…

Tranzicioni i qeverisjes lokale në Shkodër pas një periudhe 30 vjecare, nga ana e partisë demokratike nga një drejtim partiak e polemik tek një drejtim teknik dhe i mbeshtetur maksimalisht nga ana e qeverisë Shqiptare ka filluar te jape rezultatet e saja. Pikerisht ato rezultate që vete i kam anatemuar dhe i kam quajtur si të veshtira për tu realizuar, hap pas hapi po konkretizohen në projekte reale të cilat janë drejt fillimit të zbatimit.

Shpesh paragjykojmë dhe jemi kundra ndryshimeve, të cilat duket sikur prekin atë ndjenjën tonë të “demokracisë”, mirëpo në një vend si ky i joni ku “demokratët” e “socialistët” janë produkt i të njëjtës politikë ndoshta është koha që të jem i orientuar vetëm drejt punës dhe konkretes.

Dhe konkret është fakti që në mbledhjen e fundit të këshillit bashkiak, bashkia Shkodër ndër të tjera miratoi një paketë të re investimesh përmes të cilave hapet një vizion i ri i zhvillimit të qytetit, i cili ka nevoja të jashtëzakonshme për investime që shtrihen në të gjithë territorin e në të gjitha sektorët.

– U miratua granti nga AZHBR, prej 29 milion lekësh të reja, për realizimin e mbulesës së tregut të rusit dhe ndërtimit të stendave të reja të tregtimit që do të zgjidhë një herë e mirë situatën kaotike të tregtimit të produkteve lokale në merkatën e Rusit.

– U miratua fondi prej 60 milion lekësh të reja, nga Ministria e Financave, për hartimin e projekteve të zbatimit dhe studimeve të cilat do t’i hapin rrugë investimeve madhore të rikualifikimit urban të qytetit tonë, duke ndikuar pozitivisht në kushtet e jetesës së banorëve.

– U miratua fondi i rialokimeve për sa i përket mundësisë së rehabilitimit të sistemit TIK të Bashkisë Shkodër si dhe blerjes së automjeteve elektrike për nevojat e Bashkisë Shkodër. Kjo jo për të numëruar se sa kompjutera apo makina do të blihen por për të shfaqur një vizion të qartë të asaj që bashkia Shkodër do të përçojë tek publiku. Një vizion të ri, inovativ, smart dhe eficient të administrimit të qytetit.

Vijojnë çdo ditë ndërhyrjet në qytet sa i përket rrjetit të bicikletave, lirimit të hapsirave publike, ndërtimi i molos tek ura e Bunës, filloi rehabilitimi i rrugës Prekal – Kir, së shpejti fillon rruga Shirokë – Zogaj e të tjera investime infrastrukture janë në zbatim. E këto sëbashku me organizimin e aktiviteteve të mëdha kulturore e artistike janë punë konkrete të cilat po lejnë, më në fund mënjanë, polemikën partiake duke vendosur në vend të parë interesin e një qyteti që meriton të zhvillohet. /Nga Bekim MEMA, publikuar në Facebook/