NGA ARMANDO PALI – Në Shkodër, Partia Demokratike në kërkim të një kryetari…

Gjendja ku ndodhet sot kjo parti është per të ardhur keq. Një parti që nuk arrin të gjejë një intelektual per të marrë drejtimin e kësaj force në Shkodër! Dëgjoj e shikoj njerëz duke bërë fushatë për vota për të marrë drejtimin e kësaj force.

Këta kujtojnë se partia është ndërrmarrje punësimi…dhe shkojnë për të kërkuar punë. A thua kaq poshtë paska rënë Shkodra…? Nuk paska ky qytet me tradita, njerëz intelektualë që ti besohet drejtimi i kësaj partie…?


Politika denigruese e shumë personave ndër vite që vazhdojnë dhe sot e jargaviten për të marrë poste, e kanë çuar në ketë katastrofë Partinë Demokratike! Klane të ndyra brenda kësaj force ndër vite kanë ecur me parullat përçaj e sundo!

Ndër disa vite kemi pa vetëm dy kryetarë që ja pasonin partinë njëri – tjetrit. Po sot a do të kemi përsëri këtë dyshe? Njeri pretendon të jetë përsëri, tjetri nuk po bëhet i gjallë…? Ku ka ikur…? Apo do jetë duke shijuar pensionin e deputetit…?

Kush do jetë kryetari…? Na mungon shumë… /Nga Armando PALI, ish- këshilltar bashkiak i Bashkisë Shkodër/