Një grup shqiptar prej 9 personash, mes të cilëve edhe jo mazhorenë, janë vën në pranga nga policia franceze pas një aksioni të zhvilluar në Montpellier.
Shqiptarët dyshohen për të paktën 70 vjedhje banesash, ndërsa aksioni për prangosjen e tyre ka ardhur pas disa kohësh hetimesh dhe ndjekjesh të lëvizjeve të tyre.
Pas vënies në pranga, policia ka arritur që të sekuestrojë edhe rreth 400 sende të vjedhura, bizhuteri, makina, madje janë konfiskuar edhe a.rmë.
Mediat franceze raportonin dy ditë më parë se për arrestimin e tyre janë angazhuar 130 forca të Xhandarmërisë, pasi kishte informacione se ata ishin të a.rmatosur. Identitet e personave të arrestuar nuk janë bërë të ditur, ndërsa thuhet se ka pasur edhe minorenë.
Operacioni nisi nga xhandarët e Policisë franceze, por morën pjesë edhe disa oficerë të GIGN (Xhandarmëria elitë), si dhe u përdorën edhe dy qen për të nuhatur.
Fillimisht, operacioni ka nisur në orën 06:00 të mëngjesit të ditës së mërkurë në dy vila, që po mbaheshin nën vëzhgim prej disa muajsh, si dhe në një hotel në zonën e Faubourg Saint-Jaumes, midis Arceaux dhe Saint-Charles, në Montpellier.
Mediat franceze shkruajnë se bëhet fjalë për një duzinë shtetasish shqiptarë që do të përfundojnë në paraburgim.
Ata dyshohet se kanë realizuar vjedhjen e disa banesave gjatë natës, por edhe disa shtëpive të tjera, pronarët e të cilëve ishin larguar prej muajsh. CRS, Policia Kufitare, PAF e Heraultit dhe punonjësit e Policisë të Sigurisë Publike të Stacionit Qendror u përfshinë më pas në sekuestrimin e objekteve të vjedhura.
Hetimet u kryen gjatë muajve të fundit nga xhandarët e hetimit Castelnau-le-Lez dhe grupi antigrabitje GELAC, pas disa vjedhjeve të ndodhura në zonën perëndimore dhe veriore të Montpellier, në Francë.
Operacioni u kodua “Alba 34”.
Xhandarët e disa njësive të kompanive të grupit të Herault-it i kanë vëzhguar personat e dyshuar gjatë muajve të fundit. Prona dhe apartamente në perëndim dhe lindje të Montpellierit ishin plaçkituar nga grupi, që po mbahej në vëzhgim nga Policia. Mediat raportonin se vjedhjet ishin realizuar edhe në qytetet Saint-Georges-d’Orques, Saint-Gély-du-Fesc, Grabels, Juvignac, Pignan, Crès, Vendargues, Castries, Saint-Drézery, Sussargues, Beaulieu etj.. Autorët e ngjarjes ishin strehuar në tarracat e dy vilave që ishin braktisur nga pronarët, nga ku studionin zonën, si dhe kishin marrë dy dhoma në një hotel pranë Rue Bonnard.
Prej disa javësh, të dyshuarit ishin identifikuar dhe vendosur nën monitorim në mënyrë diskrete, derisa u realizua arrestimi i tyre, gjatë operacionit të koduar “Alba 34”.