“Nëna jote pret një nuse që kurrë s’do vijë”, babai i Ergi Dinit përlot në 3-vjetorin e humbjes së djalit të vetëm…

Sot bëhen 3 vite nga vdekja e këngëtarit Ergi Dini. Tre vjet më parë një prej të rinjve më premtues, Ergi Dini ndërroi jetë pas një aksidenti fatal me motor. Ai ishte një prej vokaleve më të mira dhe më të spikatur mes artistëve të rinj dhe çdo projekt i tij muzikor është pritur shumë mirë nga publiku.

Humbja e tij shkaktoi një dhimbje të madhe për familjen e tij dhe njerëzit e dashur. Ata në këto tre vjet nuk kanë mbetur një moment pa e kujtuar dhe pa shprehur dhimbjen e tyre për humbjen e madhe. Por ai sot është kujtuar nëpërmjet disa vargjeve prekëse nga babai i tij Dashamir Dini, i cili flet me dhimbje për humbjen e të birit dhe mallin që ndjen për të.

ERGIT, NE 3-VJETORIN E LARGIMIT…

Ergi Dini, KUNDER AKSIDENTEVE.

Ka 3 vjet

qe ditet e mija te percelluara nga malli

jane nxi

e janë ba muzgje.

Ka 3 vjet

që rri i varur

ne litarin e durimir,

tuj vezhgu

yjet qe bien nga qielli,

me shpresë

se njeri nga ata

je Ti,

që po kthehesh.

Ka 3 vjet

qe Nana jote,

e përhumbur

nèn vellon e bardhë

te një endrre të lashtë nënash

përgatit një dasëm

e pret një nuse….

që kurrë s’do të vijë.

Unë endem, e endem

qiejve te verbër të netëve,

per me mujt me gjet

Yllin e shuar të Fatit Tand,

e me ndez

edhe nje herë

me flaket e mallit… /Poezi nga Dashamir Dini/


Për t’u bërë pjesë e grupit të "ShkodraWeb Media" mjafton të klikoni JOIN GROUP dhe kërkesa do t’ju aprovohet.

KOMUNITETI SHKODRAWEB MEDIA ONLINE: https://www.facebook.com/groups/shkodrawebportal