Serdar Hoxha është kryetari i ri i Inspektoriatit Kombëtar të Mbrojtjes së Territorit në Shkodër. Hoxha zuri pikërisht vendin e Guri Seferit, i cili më herët e zëvedësoi pikërisht kandidatin e PSD- së për Shkodrën në 2021-in, në të njejtin pozicion ku 26 vjeçari është vendosur sot.
Ai është prezantuar në detyrë ditën e sotme nga numri 2 i IKMT- së së republikës.
Sipas CV- së së depozituar vetë në KQZ, Hoxha ka arsimin e lartë si jurist ndërsa nuk specifikohet ndonjë pozicion pune që ai ka mbajtur, edhe për shkak të moshës mjaft të re, i vitlindjes 1996.
Serdar Hoxha, ka qenë kandidat për deputet në zgjedhjet e 25 prill 2021, i pesti në listë, nën siglën e PSD- së së drejtuar nga Tom Doshi, i cili siç dihet dha dorëheqjen nga mandati aktual por edhe ai që fitoi me 25 prill 2021.
LEXONI EDHE: Çfarë ndodh në IKMT- në e Shkodrës, drejtori i komanduar zëvendësohet pa marrë akoma detyrën…
Pas Tom Doshit, kandidati Hoxha u rendit i dyti në listën e votave preferenciale duke marrë 1279 vota në rang Qarku.
26 vjeçari Serdar Hoxha nga Berdica është vendosur në krye të një institucioni të rëndësishëm, në një kohë kur aksioni kundër ndërtimeve pa leje është në kulmin e tij.
Mesa duket. të paktën në nivelin e drejtorive rajonale, PS dhe PSD do të vazhdojnë të bashkëqeverisin. /ShkodraWeb/
