Vijojnë lëvizjet në Policinë e Shtetit në kuadër të intensifikimit të luftës ndaj krimit e drogës. Sot janë firmosur disa lëvizje në Tiranë dhe disa qarqe nga Drejtori i Përgjithshëm i Policisë së Shtetit, Ardi Veliu.
Ndryshimet kanë prekur edhe Drejtorinë e Policisë së Qarkut Shkodër, ku është emëruar numri 2 i saj. Bëhet fjalë për Skender Hita, i cili është emëruar zëvendësdrejtor i Policisë së Shkodrës. Hita ka një karrierë mjaft të gjatë në polici, edhe si numri 2 i Policisë në Tiranë por edhe në Vlorë Lezhë e Elbasan.
