ShkodraWeb Media

E Vërteta të bën të lirë!

“Ndoshta gjoba s’ke asnjë, por kemi prova për probleme të rënda- së shpejti do të dalin…”, Bardhi i përgjigjet Babanit të Vau- Dejësit

Sekretari i Përgjithshëm i PD, Gazment Bardhi garantoi opinionin publik se do të bëjë transparencë të plotë për rastin e kandidatit socialist për bashkinë e Vaut të Dejës, Mark Babani, per te cilin sot PD publikoi kerkesen qe i ka cuar Prokurorise per verifikimin e figures se tij, pasi e akuzon se ka perdorur tre identitete dhe ka pasur denime ne Itali dhe Maqedonine e Veriut. I ftuar në studion e A2 CNN, Bardhi tha se i zgjedhuri i Ramës është i dyshuar për akuza që s’kanë të bëjnë me biznesin, por me probleme të rënda penale në të shkuarën.

Ajo që unë garantoj është se zotëria, është e vërtetë që nuk ka asnjë gjobë ndoshta, por akuza s’ka të bëjë me biznesin por ka të bëjë me probleme të rënda në të kaluarën me ligjin penal. Të paktën në dy shtete, Itali dhe Maqedoni e Veriut. Ne në ditët në vijim do ti bëjmë transparencë opinionit publik lidhur me këtë rast”, deklaroi Bardhi

Po a i ka pasur këtë të dhëna Partia Demokratike para 30 qershorit?

Nuk i kemi pasur këto të dhëna para 30 qershorit. Nëse do ti kishim para 30 qershorit do ti kishim bërë publike para 30 qershorit. Ne momentin që kemi vërtetuar në mënyrë të pakundërshtueshme që një kandidat për kryetar bashkie dhe është subjekt i ligjit të dek.riminalizimit kemi bërë transparencë. Nëse do të kishim përpara 30 qershorit do ti kishim bërë ato publike”, – u shpreh numri dy i PD.

MUND TË LEXONI EDHE: VIDEO/ “Njollosin emrin tim, do i denoncoj për shpifje…”, pas akuzave nga PD reagon kryebashkiaku i Vau Dejësit Mark Babani…

Bardhi pranoi se të dhënat për kandidatët e Ramës janë marrë në rrugë jozyrtare, por garantoi se çdo provë ndaj tyre është autentike dhe e siguruar në mënyrë të ligjëshme.

Ne kemi pranuar dhe pranojmë se informacionet i kemi marrë në rrugë jozyrtare, në rrugë zyrtare i ka marrë vetëm kryeministri që i mban në sirtarët e tij. Kjo do të thotë se çdo material është autentik dhe është marrë në formë të ligjëshme. Shqipëria ka miq të shkëlqyer, ka miq në të gjithë botën që duan që k.rimi i organizuar të mos marrë pushtetet të ink.riminuar në Shqipëri. Partnerët ndërkombëtarë na kanë ndihmuar. Ju duhet të dini se unë nuk kam akses në sistemet e mbajtjes së të dhënave kriminale në Itali, Gjermani, Holandë.”, siguroi sekretari i përgjithshëm demokrat.

Duke u bazuar në të dhënat që ka në verifikim nga selia blu, Bardhi konfirmoi se Babani nuk është rasti i fundit që ka probleme me ligjin penal.

Zotëria (Mark Babani) nuk është I fundit, kemi raste të tjera në verifikim. Kemi mbledhur dhe mbledhim informacioni çdo ditë për kandidatët e PS në bashktë e tjera dhe bëjmë publik atë që është e verifikuar. Nuk është një i katërt, janë më shumë se një i katër. Ka indicia të forta për disa kandidatë. Jemi në pritje të informacioneve”.

Për rastin Kajmaku Bardhi konfirmoi se deri në këtë moment prokuroria nuk e ka përmbushur detyrimin për të dhënë sqarime në lidhje me mosmarrjen e shenjave të gishtave të persnonit nën verifikim.

MUND TË LEXONI EDHE:  MINUTA E FUNDIT/ “Mark Babani me tre identitete, i ndaluar/dënuar/dëbuar në Itali e Maqedoni…”, PD skedon kryebashkiakun…

Qëllimi primar i prokurorisë është të marrë në mbrojtje këta persona. Për Agim Kajmakun, në zbatim të ligjit, me 4 shtator prokuroria duhet të kishte kryer veprimet ndaj tij në bazë të ligjit dhe ai do të duhet të largohej nga zyra e bashkisë së Vorës”, tha Bardhi.

Numri dy i Partisë Demokratike rrëzoi pretendimet e kryeministrit Rama se për shkak të kohës nuk është bërë dot i mundur ndryshimi i Kodit Zgjedhor për të forcuar sitën e verifikimit për personat e inkriminuar.

Ligji është i qartë, çdo kryetar partie mund të kërkojë verifikimin e një kandidati potencial edhe në periudhë jo zgjedhore. Pra Edi Rama ka pasur gjithë mundësinë ligjore të kërkojë informacione dhe të verifikojë të zgjedhurit e tij për bashki. Unë disponoj të gjithë komunikimet e strukturave të PS ku provohet se ata i kanë ditur këto probleme të kandidatëve dhe këto probleme me ligjin kanë qënë objekt diskutimi në mbledhjet e strukturave të PS. Pra rama me vetëdije nuk e ka zbatuar këtë të drejtë ligjore duke kandiduar qëllimisht persona me lidhje kriminale për kryetar bashkie”, deklaroi gjatë bisedës në studion e A2 CNN, Sekretari i Përgjithshëm i PD, Gazment Bardhi.

Për tu bërë pjesë e grupit "ShkodraWeb Media" mjafton të klikoni JOIN GROUP dhe kerkesa juaj do të shqyrtohet menjëherë. KOMUNITETI SHKODRAWEB MEDIA ONLINE: https://www.facebook.com/groups/shkodrawebportal/

Copyright ShkodraWeb Media © 2019 All rights reserved. | Politika e Privatësisë nga ShkodraWeb Media.