Mbas denoncimit në mediat sociale të disa rasteve të sulmeve të qenve të rrugës ndaj shumë qytetarëve të Shkodrës, ka reaguar Lëvizja qytetare në mbrojtje të shëndetit dhe jetës së banorëve të Shkodrës.
Me anë të një kërkese zyrtare drejtuar Bashkisë së Shkodrës, lëvizja për mbrojtjen e shëndetit dhe jetës së banorëve të Shkodrës ka kërkuar zgjidhjen e këtij problemi sa më parë.
Në letër gjithashtu nuk sygjerohet mënyra e një zgjidhjeje për izolimin apo strehimin e qenve të rrugës, por kërkohet një reagim për marrjen e masave deri në zgjidhjen përfundimtare këtij problemi.
Në lidhje me këtë problem do të nënshkruhet dhe një peticion nga qytetarët e Shkodrës për 3 ditë me rradhë nga ora 10.00-12.00.
