Vetëm pak minuta pas hapjes së një faqeje ironizuese e cila ftonte shqiptarët për të aplikuar për postim e Ministrit të Brendshëm, qeveria duket se është mobilizuar dhe ka bllokuar hapjen e portalit satirik.
Duke qënë se ministrat e brendshëm kanë dalë të gjithë të lidhur me drogën, qytetarët kanë menduar t’i bëjnë kryeministrit një shaka, por me sa duket Rama, ashtu si “vëllai” i tij Erdogani ka vendosur të censurojë faqen.
Sipas “Lapsi.al”, Kryeministria, me porosi të Edi Ramës është mobilizuar për të bllokuar aksesin e kësaj faqe, përmes AKEP (Autoriteti i Komunikimeve Elektronike dhe Postare).
Nëse tenton të hysh në këtë faqe, ajo del e bllokuar dhe akses kanë vetëm ata që futen nga jashtë shtetit.
Në një email të siguruar nga mediat, kërkohet mbyllja urgjentisht e faqes e cila e publikoi për herë të pare njoftimin për postin e ministrit.
