Kryeministri Edi Rama vijon të publikojë raste që krahasojnë përfituesit e ndihmës ekonomike në vend në periudha të ndryshme. Këtë herë shefi i qeverisë ka publikuar një rast në Malësinë e Madhe. Rama shkruan në Facebook: “Lart vila 3-katëshe e F.P në Malësinë e Madhe që deri dje merrte çdo muaj ndihmë ekonomike dhe poshtë shtëpia e A.H po në Malësinë e Madhe që nuk përfitonte ndihmë ekonomike. Me skemën e re, F.P është përjashtuar dhe A.H është përfshirë në skemë.
Fotot tregojnë qartë se cila nga këto dy familje është në nevojë.
Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare.”.
