Kryeministri Rama vijon të publikojë foto krahasimore të familjeve që e përfitonin dje dhe që e përfitojnë sot ndihmën ekonomike sipas skemës së re të vënë në zbatim nga qeveria e tij. Rama shkruan: “Lart vila e K.S në Bulqizë që deri dje merrte çdo muaj ndihmë ekonomike dhe poshtë shtëpia e Z.J po në Bulqizë që nuk përfitonte ndihmë ekonomike. Me skemën e re, K.S është përjashtuar dhe Z.J është përfshirë në skemë.
Fotot tregojnë qartë se cila nga kto dy familje është në nevojë.
Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare.”.
