KF Vllaznia ka njoftuar nxjerrjen në shitje, nga e shtuna, të biletave për ndeshjen e UEFA Conference League KF Vllaznia- BFC Daugavpils me 10 korrik 2025 në Elbasan Arena, duke nisur nga orra 20:00.
Meqë ndeshja nuk do të luhet në “Loro Boriçi”, klubi shkodran është kujdesur që çmimet e biletave të jenë të pranueshme, madje të ulëta për një ndeshje të Kupave të Europës.
“Biletat janë në shitje në Shkodër, nga nesër pranë biletarisë së stadiumit “Loro Boriçi”, sipas orareve:
-5 & 6 & 7 Korrik: 17:00 – 20:00
-8 & 9 Korrik: 10:00 – 13:00 & 17:00 – 20:00
-10 Korrik: 10:00 – 13:00
-10 Korrik – edhe në Biletarinë e “Elbasan Arenës””, thuhet në njoftimin e KF Vllaznia në faqen zyrtare në Facebook. Në sezonin që lamë pas, për ndeshje të Superligës, çmimet kanë qenë kaq apo edhe më të larta. Ndoshta është një lëvizje për të reduktuar shpenzimet e tifozëve, të paktën atyre që do zgjedhin ta mbështesin Vllazninë nga shkallët e stadiumit.
