Ngjarja e ndodhur mesditën e djeshme (të merkurën) në aksin Shkodër- Koplik, ka marrë përmasa fatale . Në afërsi të rrethrrotullimit te monumenti i “5 Heronjëve”, siç jeni informuar, një veturë ka përplasur vjehrrën dhe nusen e saj. Të dyja janë dërguar me urgjencë në spital, por vjehrra, Hasije Bajrakurtaj, rreth 58- vjeçe ka ndërruar jetë pak pas mbërritjes.
Ndërkohë, nusja 19- vjeçare, e identifikuar me emrin Esmeralda Bajrakurtaj,është marrë nën kujdes nga mjekët, nisur edhe nga gjendja e rëndë e saj. Por çdo përpjekje ka rezultuar e kotë. Mësohet se ajo ka humbur jetën në spital, në orët e para të mbrëmjes të së merkurës- një tragjedi më vete kjo përveç fatit tragjik të vjehrrës. 19-vjeçarja e cila ishte shtatzënë, u përplas nga një automjet së bashku me vjehrrën e saj paraditen e sotme, ku kjo e fundit ndërroi jetë në vend.