“Ndërhyjmë edhe pse nuk është detyra jonë”, rënia e gurëve, pezullohet nesër qarkullimi në rrugën nacionale të Gjegjanit

Rënia e gurëve në rrugën nacionale Gjegjan- Mirditë ka bërë që Bashkia e Pukës të marrë vendimin për të pezulluar qarkullimin në këtë aks. Bashkia njofton se pezullimi do të bëhet nesër nga ora 11 deri në 13:00. Bashkia Pukë thotë se do të realizojnë ndërhyrje edhe pse nuk e kanë detyrë pasi rruga është në inventarin e ARRSH.

“Nisur nga rrezikshmëria me të cilën po përballen përdoruesit e segmentit rrugor nacional, Kryqëzim Hadroi – Gjegjan – Mirditë, Bashkia Pukë ka vendosur ndërhyrjen me forcat e veta për evitimin e rrezikut sa të jetë e mundur. Për këtë qëllim, nesër, e Hënë, datë, 18.01.2021, aksi rrugor Kryqëzim Hadroi – Gjegjan – Mirditë do të jetë i bllokuar nga ora 11:00 -13:00.
LEXO EDHE:
Shtimi i rasteve me koronavirus, Bashkia e Pukës mbyll një çerdhe dhe një kopsht

Janë të lutur të gjithë përdoruesit e këtij segmenti rrugor të na mirëkuptojnë me qëllim shmangien e rrezikut nga rënia e vazhdueshme e gurëve dhe pjesëve të tjera shkëmbore.

Edhe pse kjo ndërhyrje nuk është detyrim i bashkisë Pukë për shkak se segmenti është në inventarin e ARRSH, ndërhyrja realizohet me vendim të kreut të bashkisë Pukë, z.Gjon Gjonaj, nisur nga ankesat e shumta të qytetarëve të kësaj zone dhe rrezikun që kanoset në këtë pjesë territorjale në juridiksionin e bashkisë Pukë”, thuhet në njoftim.

ShkodraWeb Channel

Open

Close