Teuta dhe Skënderbeu kanë barazuar 2-2 në Kamzë në një ndeshje të çmendur. Shifrat u hapën në minutën e 20 me anë të Mensah pas një goditjeje me kokë duke e çuar atë top në fundin e rrjetës.
Teuta arriti të përmbyste rezultatin falë një super Lorenco Vila, i cili mjeshtërisht realizoi dy herë, goli i parë u shënua pas një aksioni model në minutën e 36 dhe një në minutën e 47.
Ishte Melos Bajrami ai që barazoi këtë takim, ku i sapo aktivizuar realizoi gol në minutën e 78 pas një goditjeje me kokë ku u tregua mjaft i saktë. Me këtë ndalesë, Teuta klasifikohet në vendin e katërt në kuotën e 13 pikëve, ndërsa Skënderbeu në vendin e parafundit në kuotën e 7 pikëve.
FT | TEUTA 2-2 SKËNDERBEU
L.Vila 36′, 47′ / Mensah 20′, Melos Bajrami 78′