Vetëm pak minuta më parë në media ka qarkulluar lajmi se Nard Ndoka ka bërë kërkesë për tu larguar nga grupi parlamentar i Partisë Demokratike. Po ditët e sotme, Ndoka nëpërmjet një statusi bëri përgjegjës Bashën për rrjedhjen e votave të PD në votimin e Gramoz Ruçit si kryeparlamentar. Ndaj kërkesa për largimin nga opozita dukej si një hap i paralajmëruar i deputetit të Shkodrës. Megjithatë në një komunikim për GSH.al, Ndoka mohoi të jetë larguar nga PD, duke sqaruar edhe firmosjen e kërkesës. “Deklarata që bëjnë deputetët në kuvend për grupet parlamentare ne e kemi nënshkruar si parti më vete, jo pjesë e PD. Pra kemi firmosur veç unë, Dashamir Shehi, Vangjel Dule dhe Fatmir Mediu, jo se jam larguar nga PD”, ka thënë deputeti në prononcimin e tij, duke përgënjeshtruar lajmin e qarkulluar online.
Keshtu, duket se Ndoka godet serish: a nuk eshte e njejta gje si te deklarohesh se nuk je deputet i PD-se por i PDK-se ne Kuvend, me ate qe qarkulloi ne media se ka ikur nga PD?! Duket e njejta gja ne fakt…
