Një lajm shumë i mirë ditën e sotme! Falë bujarisë së jashtëzakonshme të shqiptarëve dhe jo vetëm, në Shqipëri e jashtë saj, është bërë e mundur të sigurohen paratë për kurimin e 20 vjeçarit nga Shkodra Klevis Gjeluci.
Gjithçka është bërë e mundur në më pak se 10 ditë, ndërsa ky lajm vjen kur Klevisi ndodhet në Itali për një kurim më të specializuar pas transportit tokësor të mundësuar nga një spital privat në Tiranë.
Klevis Gjeluci është në koma nga data 27 shtator, pas një aksidenti fatal ku arriti të shpëtojë por duke patur probleme shendetësore që kërkonin dërgimin për trajtim më të specializuar jashtë vendit.
Shuma që kërkohej nuk mund të përballohej nga familja e të afërmit, kështu që filloi një maratonë solidariteti e paparë më herët. Falë donacioneve të shqiptarëve, sot Klevisi dhe familja e tij mund të ndjehen më të qetë.
Falenderojmë me zemër çdo shqiptar që kontribuoi, sado pak. Por edhe ata që nuk patën mundësi të kontribuojnë financiarisht por që shpërndanë lajmin për sensibilizim apo që thjeshtë u lutën për Klevisin!
Forca Klevis! Shërohu sa më parë, të presim në Shkodër sa më parë! /ShkodraWeb/
