Me 1 tetor 1990, i riu Sadetin Osman Sharkiqi, përmes Liqenit të Shkodrës, u nis të arratisej drejt Jugosllavisë. Nga ajo kohë, familja nuk ka asnjë informacion për fatin e tij, pavarësisht interesimit të vazhdueshëm. Në vitin 2011, motra e tij, Dinora, iu drejtua Gjykatës së Shkodrës me kërkesë për shpalljen e zhdukjes së vëllait të saj, vendim i cili ka marrë formë të prerë me 18.07.2011. Edhe pas kësaj date, familja Sharkiqi nuk ka asnjë informacion për Sadetitin. Në këto kushte, Dinora, është detyruar ti drejtohet Gjykatës së Shkodrës me kerkesën për shpalljen e vdekjes së vëllait të saj të shtrenjtë. Në zbatim të procedurave ligjore, gjykata ka disponuar me një “kerkesë për publik” në ShkodraWeb, si më poshtë vijon:
Në Gjykatën e Shkallës së Parë e Juridiksionit të Përgjithshëm Shkodër është paraqitur kërkesa që i përket:
Kërkuese: Dinora Ibrahimi (Sharkiqi), e bija e Osman dhe Shefikate, e datëlindjes 13.05.1971, lindur dhe banuese ne lagjen “Salo Halili”, Rr. “Ali Kelmendi”, pall nr. 1027, Shkodër, e identifikuar me letërnjoftimin me numër personal identiteti H15513083R, e përfaqësuar nga av. Gerti Ymeri, anëtar i Dhomës së Avokatisë Shkodër, me numër licence 3357, NUIS K86330002V, me adresë Rajoni 4, Rruga “Don Bosko” Kati II, nr 75, Shkodër, me adresë e-mail y.gerti@yahoo.com.
Objekti: Shpallja e vdekjes së vëllait Sadetin Osman Sharkiqi.
Baza ligjore: Neni 375 e vijues të Kodit të Procedurës Civile.
Neni 17 e vijues i Kodit Civil.
Në përmbushje të detyrimeve ligjore, në fazën e veprimeve paraprake, gjykata ka disponuar me vendimin e ndërmjetëm për publikimin e kësaj kërkese në një gazetë lokale.
