15 vjeçari Ergys M. i arrestuar si bashkëpunëtor në eleminimin e Endri Mustafës në Shkodër, ka rrëfyer para grupit hetimor dinamiken e ngjarjes. I mituri akuzon Ibrahim Licin si autor ndërsa tregon dhe bisedën e fundit
I riu ka deklaruar se kishte mbjelle 150 rrënjë hashashi tek vendi i quajtur Gropat e Eskavatorit dhe i kishte kërkuar Endrit ta ndihmonte ti çonte në shtëpi për ti tharë dhe për këtë Mustafa ka pranuar. Rreth orës 22 ata janë nisur për në livadhe duke kaluar nga bypassi dhe sipas pretendimeve të të miturit Ibrahim Lici u ka dalë para dhe ka qëlluar direkt Endrin i cili ra përtokë menjëherë.
15 vjeçari pretendon se Mustafa i ishte lutur për mëshirë, por Lici e ka qëlluar dy herë duke e lënë të vde.kur dhe më pas është larguar nga vendngjarja me motor. I mituri ka deklaruar se viktima i ka thënë autorit aman mos më vrit pash Zotin se kam fëmijë, por Lici e qëlloi përsëri, madje edhe në fytyrë duke i thënë qofsh i xhenetit. Pas këtij episodi minoreni shprehet se është larguar për në banesë
Ndërsa sot, Gjykata e Shkodrës ka caktuar masën e sigurisë ‘arrest me burg’ për 15 vjeçarin Ergys Malja. Në seancën gjyqësore ai nuk ka folur asnjë fjale ndërkohë që ai akuzohet si bashkëpunëtor në vrasjen e Endri Mustafes.
Avokati i të miturit ka kërkuar masë më lehtësuese për shkak të moshës por kërkesa nuk eshte pranuar nga trupi gjykues.
