“Mirënjohje për punën gjysmëshekullore”, Presidenti Meta vlerëson me dekoratën “Nderi i Kombit” gazetarin Ferdinand Samarxhi

Presidenti i vendit Ilir Meta ka vlerësuar me dekoratën e lartë “Nderi i Kombit”, gazetarin dhe publicistin, Ferdinand Samarxhi.

Në njoftimin e shpërndarë nga Presidenca, mes të tjerave thuhet: “Presidenti i Republikës, Sh.T.Z. Ilir Meta, me propozimin e të gjithë krerëve të bashkësive fetare në Shqipëri, Kosovë dhe Maqedoninë e Veriut, vlerësoi sot gazetarin dhe publicistin e mirënjohur, zotin Ferdinand Samarxhi, me Dekoratën e lartë “Nderi i Kombit”.


Me anë të një ceremonie të veçantë solemne ku ishin të pranishëm krerët e të gjitha bashkësive fetare, akademikë, profesorë, gazetarë, sipërmarrës, bamirës e shumë personalitete të tjera, Kreu i Shtetit i akordoi vlerësimin e lartë me motivacionin:

“Për punën gjysmëshekullore plot përkushtim të rrallë, me dinjitet e integritet, për pasqyrimin e realiteteve të kohës, sfidave të saj. Njeriut që frymëzon besimin tek Zoti, tek harmonia, bashkëjetesa fetare, në mbrojtje të virtyteve njerëzore dhe në shërbim të atdheut dhe kombit.””.