Kuvendi i Malit të Zi, me 41 vota pro, miratoi projektligjin për Simbolet Kombëtare, të hartuar nga Ministri për të Drejtat e Njeriut dhe të Pakicave në MZ, Mehmed Zenka.
Përpos aprovimit të Ligjit për Simbolet Kombëtare, i cili e garanton përdorimin e lirshëm të flamurit shqiptar, është fshirë Neni 23 i Ligjit për Rendin dhe Qetësinë Publike përmes të cilit sanksionohej përdorimi i flamurit shqiptar.
Përmes këtij ligji, gjatë disa vitëve të fundit janë gjobitur persona të shumtë, dhe gjithmonë ata të cilët kishin në përdorim flamurin shqiptar, por jo edhe flamuj të tjerë.
Ministri për të Drejtat e Njeriut dhe të Pakicave Mehmed Zenka tha se miratimi i ligjit do të forcojë vlerën multinacionale të Malit të Zi.
Siç theksoi, miratimi i projektligjit do të forcojë të gjitha arritjet pozitive të Malit të Zi në dy dekadat e fundit.
Nënkryetari i Kuvendit, Genci Nimanbegu, tha se simbolet nacionale janë pjesë e të drejtave themelore të njeriut, si e drejtë e të shprehurit.
Ai tha se në asnjë vend të demokracisë të Evropës Perëndimore nuk ndëshkohet ndokush për përdorimin e flamurit. Bashkimi Evropian ka përdorimin e lirë të flamujve sepse është e drejtë themelore e njeriut ”, tha Nimanbegu. /Malësia.org/
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
