Minuta e fundit/ Ruçi në krye të Kuvendit, PD del me qëndrim zyrtar: Kush shet votën…

Partia Demokratike ka dalë sot me qëndrim zyrtar për procesin e votimit të Gramoz Ruçit dje si kryeparlamentar. Grupi Parlamentar i Partisë Demokratike dënon me ashpërsi atë çfarë ndodhi dje me votën e opozitës në Kuvend. PD deklaron se ajo çfarë ndodhi erdhi si rezultat i manipulimit apo blerjes së votës dhe se kjo do të shqyrtohet me prioritet absolut.
“Një gjë është e qartë pa asnjë ekuivok: kush shet votën nuk do të ketë vend në grupin tonë parlamentar.
Grupi Parlamentar i Partisë Demokratike vlerëson se ky skenar i qëllimshëm u vu në veprim për të hequr vëmendjen e opinionit nga emërimi prej Edi Ramës në krye të Kuvendit i Gramoz Rucit, simbol i të kaluarës së përgjakur të diktaturës komuniste dhe i lidhjeve kriminale dhe trafiqeve të drogës, për të cilën arsye është përjashtuar përherë nga hyrja në SHBA”, thekson PD./balkanweb/