Ndryshimi i pronarit, duket se ka sjellë ndryshime të shumta konceptuale edhe në administrimin e ABCNews. Javët e fundit, ka patur largime të bujshme të emrave të njohur. Ata e kanë njoftuar vetë largimin e papritur apo mbylljen e produksioneve. Por nuk mund të ndodhte kështu me “Piranjat”, formatin e mirënjohur investigativ në këtë televizion.
“Sonte ne oren 21.00, me puntaten e fundit te Piranjave ne ABC Televizion, e cila i eshte dedikuar teresisht kamerave te fshehta komike, mbyllim nje sezon “revolucionar”, i cili mendoj se solli dicka te re dhe te guximshme ne perballje me televizione dhe emisione te cilet vertete komandojne numrat por jo cilesine e audiences.
Kjo mbyllje sezoni shenon edhe “pershendetjen” e Piranjave me televizionin ABC, i cili i besoi projektit tone te nje viti me pare. Por cdo fillim e ka nje fund, per me teper kur kostumi ngushtohet.
Prandaj vendosem te qepim nje te ri, pa humbur aspak kohe, ne menyre qe pas nje muaji, “Piranjat” te kthehen ne ujera te pastra, per te kafshuar “te keqinjte” e historive qe do ju ofrojme.
Dhe ju siguroj qe do shihemi ne SY me te gjithe”, shkruan në një publikim në Facebook Taulant Koplikaj, autor i formatit televiziv “Piranjat”.
Mesa duket “Piranjat” i lanë “takën” jo vetëm censurës ndaj një formati që nuk mban dot “kostum të ngushtë” por edhe vetë ABCNews, i cili humbet një format televiziv që brenda një kohe të shkurtër, krijoi një audiencë mjaft të lartë, duke qenë kryefjalë e mediave të tjera dhe portaleve përmes kamerave të fshehta dhe investigimeve profesionale.
Ndërkohë, për ata që janë të vemendshëm, duket se autori Koplikaj, ka dhënë një indicie se ku do ta shohim në vijim show-n “Piranjat”. “Ju siguroj qe do shihemi ne SY me te gjithe”, shkruan ai, duke paralajmëruar kalimin tek Syri TV, një televiyion që po rritet dita ditës në programacion, formate televizive por edhe emra të njohur. Suksese “Piranja”! /ShkodraWeb/
