Një aksident i rëndë i ka marrë jetën dy personave në Tiranë. Ngjarja ka ndodhur në kryqëzimin e “21 dhjetorit”, ku dy automjete janë përplasur me njëra-tjetrën.
Sipas policisë nga aksidenti ka humbur jetën drejtuesi i njërit prej mjeteve dhe njëri nga pasagjeret. Policia po punon për zbardhjen e rrethanave të aksidentit tragjik.
Tiranë/Informacion paraprak
Me datë 11.11.2021, rreth orës 03:20, në kryqëzimin “21 Dhjetori”, janë përfshirë në një aksident mjeti me drejtues shtetasin Emirjan Doko, 30 vjeç dhe mjeti me drejtues shtetasin Luan Cenollari.
Si pasojë e përplasjes ka ndërruar jetë drejtuesi i mjetit, shtetasi Luan Cenollari, dhe njëri nga pasagjerët, shtetasi Ali Bejo, 69 vjeç.
Grupi hetimor ndodhet në vendngjarje për sqarimin e rrethanave të aksidentit.
