Ndërsa situata në selinë e PD- së është tensionuar, ka ardhur edhe reagimi nga Policia e Shtetit. Përmes një komunikate zyrtare nënvizohet se nuk ka asnjë përfshirje të efektivëve të saj në situatën që po zhvillohet aktualisht dhe që mund ta ndiqni më poshtë në linkun e ShkodraWeb.
Deklaratë nga Policia e Shtetit
Sqarojmë opinionin publik se asnjë nga strukturat e Policisë së Shtetit të angazhuara për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.
Policia e Shtetit është tërësisht e angazhuar për të garantuar rendin e sigurinë dhe u bën thirrje qytetarëve që të distancohen nga çdo akt dhune apo prishje e rendit dhe sigurisë, pasi do të përballen me forcën e ligjit.
