Drejtori i Policisë së Shkodrës Vehbi Bushati është shkarkuar nga detyra. Shkak duket se është bërë ngjarja e rëndë e mëngjesit të sotëm në lagjen Kiras të qytetit, ku humbën jetën Ibrahim dhe Astrit Bilali. Menjëherë pas ngjarjes, në Shkodër zbarkoi drejtori i përgjithshëm i Policisë së Shtetit Ardi Veliu, zëvëndesi i tij Tonin Vocaj dhe pas tyre, ministri i brendshëm Sandër Lleshaj. Ky i fundit ka patur një takim në drejtorinë e Shkodrës, ku mesa duket ka ardhur edhe shkarkimi i Bushatit nga detyra. Mësohet se në vend të tij është emëruar Niko Brahimiaj.
