Këshilli Bashkiak i Shkodrës, në cilësinë e Asamblesë së Përgjithshme të KF Vllaznia sh.a. ka miratuar fondin 55 milion lekë për vitin 2018. Pro kanë votuar 28 antarë të Asamblesë, kundër vetëm dy. Interesant është fakti se votimi ka qenë gjithëpërfshirës, me keshilltarë të djathtë e të majtë.
Të gjithë këshilltarët kanë qënë në një mendje për të ndihmuar Vllazninë të kalojë situatën jo të mirë aktuale si dhe, të menohet për 100 vjetorin e klubit më të vjetër sportiv në vend vitin që vjen.
Po ashtu, u rikthye propozimi që në një mbledhje të veçantë të Asamblesë, të thirret Bordi dhe Administratori për të referuar për çështje të tjera, tashmë që pjesa e financimit duket e siguruar.
