Një nga personat e vënë në pranga në kuadër të aksionit policor “Oaz” në Shkodër, ka rifituar lirinë. Bëhet fjalë për shtetasin Emrah Plaku, të cilit gjykata i ka ndryshuar masën e sigurisë. Mësohet se “togat e zeza” e kanë dërguar në shtëpi me masë sigurie “arrest shtëpiak”. Gjykata ka urdhëruar që ai të mos largohet nga banesa e tij në Shkodër dhe të mos komunikojë me askënd përveç pjesëtarëve të familjes.
Operacioni i koduar “Oaz” përfundoi më 22 shtator të vitit të shkuar dhe çoi në goditjen e grupit të përqendruar kryesisht në Shkodër. 11 persona u vunë në pranga në atë kohë dhe dy të tjerë u shpallën në kërkim.
