Një i ri është gjetur i pajetë pasditen e sotme në Tiranë. Mësohet se personi, identiteti i të cilit nuk bëhet ende i ditur por vetëm si Fation T., është gjetur në një apartament tek kompleksi “Ana” në Qytet Studenti.
Nuk dihen ende shkaqet e ngjarje së rëndë të ndodhur, ndërsa paraprakisht dyshohet se ai ka humbur jetën si pasojë e konsumimit të lëndëve narkotike. Ndërkohë policia po punon për zbardhjen e plotë të ngjarjes.
Policia, autoambulanca dhe një zjarrfikëse nuk kanë mundur të shkojnë ende në vendngjarje për shkak se rrugica që të çon deri tek ky pallat është shumë e ngushtë. Ndërtuesi i pallatit ka lënë një rrugë të ngushtë jashtë standardit dhe çdo parametri.
