Shpërthim me tritol në lagjen “Rus” të Shkodrës. Një sasi lënde plasëse i është vendosur një automjeti. Automjeti ishte parkuar, kur edhe ndodhi shpërthimi. Fatmirësisht nuk ka të lenduar, vetëm dëme materiale. Mësohet se në shenjestër ishte makina e Nazmi Bandullas që ka qenë e parkuar në oborrin e shtëpisë së tij. Uniformat blu janë në vendngjarje dhe kanë nisur hetimet.
NJOFTIMI I POLICISË SË SHKODRËS
Më datë 26.12.2020, rreth orës 20:25, në lagjen “Partizani”, Shkodër, mjeti i cili ishte i parkuar në oborrin e shtëpisë së shtetasit Nazmi Bandulla, ne rrethana të paqarta dyshohet se ka shpërthyer si pasojë e lëndës eksplozive, duke shkaktuar vetëm dëme materiale.
Në vendin e ngjarjes ndodhet grupi hetimor dhe në drejtimin e Prokurorisë së Rrethit Gjyqësor Shkodër po punohet për sqarimin e rrethanave të kësaj ngjarje.
