Austria është fituese e Eurovision Song Contest apo festivalit europian të këngës, të zhvilluar në Bazel të Zvicrës. Ajo ka marrë 436 pikë nga votimi i 37 jurive profesioniste por edhe vota popullore në 26 vendet ku është votuar.
“Zjerm” i Shkodra Elektronike ka siguruar 218 pikë, duke u renditur e 8- ta. Juritë profesioniste të 37 vendeve i dhanë vetëm 45 pikë, ku vetëm Franca i akordoi 12 pikë të plota. Ndërkohë, votimi i jurive popullore në 26 vende, i dha 173 pikë.
Përtej këtij votimi, i cili më shumë se artistik është gjeopolitik, Shkodra Elektronike me “Zjerm” bëri një prezantim më shumë se dinjitoz, duke fituar zemrat e të gjithë atyre që e votuan e mbështetën edhe në rrjetet sociale.
