Një aksident është regjistruar para pak minutave në hyrje të qytetit të Shkodrës. Një person që pedalonte me biçikletë, është përplasur nga një aumomjet me targa të huaja.
Sipas asaj që raporton RTSH Shkodra, aksidenti ka ndodhur në afërsi të vijave të bardha. Bëhet me dije se personi i aksidentuar, është dërguar për ndihmë mjekësore në Spitalin Rajonal të Shkodrës.
Në vendngjarje, janë uniformat blu të qarkullimit rrugor, të cilat pritet të zbardhin dinamikën e aksidentit të ndodhur këtë paradite në qendër të Shkodrës.
Shkodër/Informacion paraprak
Rreth orës 10:00, në sheshin “Mehmet Pash Plaku”, automjeti me drejtues shtetasin F. B., 72 vjeç, banues në Shkodër, ka aksidentuar lehtë shtetasen M. D., 68 vjeçe, banuese në Shkodër, e cila po lëvizte me biçikletë. Shtetasja M. D. është jashtë rrezikut për jetën.
Grupi hetimor po punon për zbardhjen e rrethanave të aksidentit.
