“Mësimi online u vendos në minutat e fundit”, reagon LSI Shkodër: Në shumë zona zhvillimi i tij i pamundur…

Si kordinator i LSI-së së Qarkut të Shkodrës, uroj të gjithë studentët dhe pedagogët e Universitetit “Luigj Gurakuqi” Shkodër, për fillimin e Vitit të Ri Akademik, 2020 – 2021! Për shkak të situatës së vështirë të krijuar nga pandemia e Covid – 19, ky vit për universitetet nis në kushte të jashtëzakonshme dhe tepër të vështira !


Është hera e parë që viti akademik nis me mësimin online dhe për këtë u vendos në momentet e fundit, ndaj me të drejtë kemi shprehur rezerva për këtë vendim !

Duhej të ishin marrë masa dhe të ishte vendosur shumë kohë më parë që të kishim një funksionim sa më normal të mësimit, të gjendur përpara kësaj situate, ana teknike që është vendosur të përdoret nuk e mundëson një funksionim normal, sepse duke marrë parasysh infrastrukturën në shumë zona tona, është e pamundur zhvillimi online i mësimit, dhe jo të lihej për ditët e fundit!

Gjithsesi, le të shpresojmë për më të mirën, me besim për tejkalimin e kësaj situate të vështirë që po kalon vendi ynë dhe kthimin në normalitet, duke ju siguruar edhe njëherë së forca politike që përfaqësojmë do të vazhdojë të mbështesë kërkesat tuaja të drejta ! Mbarësi dhe shëndet ! /Publikuar në Facebook nga koordinatori i LSI-së Edmond NDOU/

ShkodraWeb Channel