Partia Demokratike do të publikojë sot në mesditë emrat e 5004 delegatëve që morën pjesë në Kuvendin Kombëtar më 18 dhjetor.
Në orën 13:00, mësohet se Sekretari i Përgjithshëm i PD, Gazment Bardhi, do të dalë në konferencë për shtyp.
Bardhi do të jetë i shoqëruar edhe nga Sekretarja për Marrëdhëniet me Publikun në PD, Greta Bardeli për të bërë publikë emrat e delegatëve të Kuvendit të PD.
Lulzim Basha, pak orë pas Kuvendit Kombëtar të së shtunës 18 dhejtor 2021, njoftoi se dje (të dielën) do të publikohen emrat e delegatëve. Për arsye që pritet të shpjegohen, emrat do të publikohen sot.
