Drejtuesit e klubit janë në bisedime për të mbyllur kontratat me lojtarët që mbyllën sezonin e kaluar me kuqeblutë. Dje është pritur edhe rinovimi i Bardullës, Krymit, por edhe ndonjë emri tjetër. Të gjithë këta lojtarë konsiderohen pjesë e ekipit, pavarësisht se ende nuk kanë firmosur kontratën e re. Nën zë flitet për një ngërç mes tyre dhe klubit, pasi nuk është arritur ende akordi financiar, megjithatë te Vllaznia të gjithë janë të bindur se lojtarët do të rinovojnë shumë shpejt. Ndërsa dje kanë firmosur kontratat edhe disa nga pjesëtarët e stafit të ekipit. Nga ana tjetër, mësohet se vazhdojnë bisedimet me mesfushorin Gilman Lika. Ai ende s’i ka dhënë përgjigje të prerë Vllaznisë, por vijon bisedimet me drejtuesit e klubit. Sipas të gjitha gjasave, ai do të bëhet pjesë e skuadrës në sezonin e ri. /PANORAMASPORT/
