“Me Vllazninë, luhet në dy fronte, në fushën e futbollit, por edhe në tastierë!”. Kjo është një deklaratë e guximshme e përcjellë në minutat e emisionit “Studio Sport” transmetuar mbrëmjen e së mërkurës në ekranin e RTSH Shkodra nga ish-futbollisti kuqeblu, Fatmir Lugji, i cili ishte i ftuar në panel së bashku me trajnerin e portierëve të kombëtares së futbollit femra, Elis Legata dhe trajnerin e volejbollit Ermal Kraja.
Ai ka aluduar se rezultatet, oshilacionet e Vllaznisë, janë tregues se ndeshjet trukohen. Lugji thotë se për të sqaruar situatën, duhet të veprojnë organet ligjzbatuese apo edhe ato që qeverisin futbollin shqiptar, duke nisur nga klubi kuqeblu.
Akuza e drejtpërdrejt e Fatmir Lugjit për trukim të rezultateve të Vllaznisë, duhet të analizohet me sy kritik nga drejtuesit e klubit, pasi një deklaratë e tillë publike duhet parë me seriozitet.
