Kryeministri Edi Rama ka sulmuar ashpër tani pasdite në rubrikën “Përgjigja Ime” në Facebook, gazetarin dhe analistin Ylli Rakipi, duke e akuzuar atë si “gjobëvënës” ndaj qeverisë për shkak të prishjes së një kontrate me OSHEE. Sipas Edi Ramës, Ylli Rakipi, pronar i një pallati 10 katësh në Tiranë, gjithë sulmin e ka personal, pasi ka përfituar nga shteti mbi 2.6 milionë euro për një garazh në pallatin e ndërtuar prej tij.
Sipas Ramës, qeveria “kriminale e Rilindjes” siç foli me nota ironike, e prishi kontratën me Ylli Rakipin në një vend ku siç tha Rama, nuk kishte as tualete. Kryeministri sulmoi gjatë kësaj dalje disa analistë, duke përfshirë edhe Artur Zhejin e Andi Bushatin si dhe analistin Çim Peka.
Deklaroi Kryeministri:
“Edhe dicka, mbase ty nuk të intereson të më falësh por meqë kam miq që habiten pse me sulmojnë kaq shumë tek të Paekspozuarit, mbase ka ardhur koha të ekspozoj një fakt që kush e di ka lidhje për Ylli kadriun, ndryshe Ylli Rakipi që I ofroi OSHEE ndryshe e quajtur CEZ një garazh në pallatin plot 10 kate ndërtuar prej tij ku kryhej pritja për abonentin me një tualet për gjithë stafin dhe abonentin bashkë dhe pa gjenerator për raste errësire. Nuk e di por mendojeni, mbas një kontrate absurde, Ylli kadriu ka marrë deri vonë ne emer të pronarit Ylli Rakipi, 2 milionë e 561 mijë e 334 euro qira …po, po, nuk e keni dëgjuar gabim: 2.561.334 euro qira plus 39 mijë euro garanci.
Këtë kontratë të paekspozuar ia prishi organizata kriminale e rilindjes e cila ka njëmijë e një të këqia po të zezën që paratë e taksave dhe të të mirave publike ti ndajë me ylli kadriun apo me shumë yje të tjerë të medias e politikës që kanë rrezatuar me thënë të drejtën shumë vite duke marrë nga pushteti i radhës energji financiare me hir a me pahir, në dritë a në errësirë, fatkeqësisht për ta, kjo organizatë kriminale nuk e ka. Apo, organizata jonë kriminale e rilindjes ka edhe arrogancën që nuk i ha qoshja kurrë, po hicfare, as për jashtënxjerrjet e ekspozuara, dhe as për gjobat e paekspozuara të Ylli Kadriut, të Qimi.net Kadriut, të Artur Kadriut dhe të tërë kadrinjve në politikë, në biznes, apo në media që I paguajnë apo ndërsejnë këto materie të biodegraduara në formë ylli. Po kush merr mundimin dhe I djek, e faltë zoti seancat e tyre inkuizicinale në televizor, le të ndjekë dhe këto që thashë dhe të mos më pyesë më, cfarë kanë këta…Halle, halle kjo dynja, halli, hallit nuk i ngjan.
