Të rinjtë e të rejat janë pjesa më e goditur nga regresi i ekonomisë shqiptare dhe mirëqënies në 8 vitet e fundit. Treguesit janë alarmantë dhe nuk kanë nevojë për shumë komente:
Në periudhën 2014- 2019 numri i studentëve në universitete është reduktuar me mbi 15%
74% e shqiptarëve mes moshës 19- 27 vjeç duan të largohen nga vendi.
94% e të larguarve nuk duan të kthehen në Shqipëri
Zgjidhja duhet të jetë e shpejtë, energjike dhe me efekte të menjëhershme. Alternativa e programit të Partisë Demokratike është e qartë:
Përgjysmimi i tarifave universitare për të gjithë, duke ofruar 5.000 bursa për studentët që vijnë nga familje me të ardhura të ulëta.
Rritja e cilësisë së programeve universitare .
Krijimi i një sistemi inteligjent për të identifikuar të rinjtë e talentuar si dhe zhvillimi i programeve shkollore ekstra për të stimuluar aftësitë e tyre në fushat e ndryshme.
Zhvillimi programeve adeguate për të parandaluar largimin nga shkolla të të rinjve dhe identifikimin e atyre që kanë rrezik të largohen.
Promovimi dhe stimulimi i arsimit profesional.
Stimulimi i sipërmarrjeve të të rinjve.
Përfshirja e dijeve ekonomike, financiare dhe manaxheriale në kurrikulat e shkollimit për të promovuar shpirtin sipërmarrës.
Nxitja e punësimit të të rinjve.
Krijimi i fondit “Brain Gain” për të subvencionuar pagën e plotë ose pagën e pjesshme që fiton jashtë vendit për një vit, për çdo profesionist të ri ekselent, nëse vendos të kthehet përsëri në Shqipëri për të kontribuar dhe për të punuar në sektorë me përparësi. Lehtësira fiskale për kontratat e punës përtej një viti.
Prandaj me #25Prill të rinjtë e të rejat në Shkodër e në mbarë Shqipërinë, do të mbështesin me votën e tyre plebishitare Partinë Demokratike dhe programin e saj për rininë. /Nga Emilia Koliqi, kandidate për deputete e PD- së Shkodër/
