Kryetari i Partisë Demokratike, Lulzim Basha u prit nga dhjetëra qytetarë në Shkodër, ku u shpreh se nga ky qytet mori sinjalin për fitoren e 25 prillit.
Sipas Bashës, nga Shkodra ka nisur dita e bardhë për Shqipërinë.
“Nga Shkodra ka nisur dita e bardhë për Shqipërinë dhe shqiptarët. Sa herë vij këtu mahnitem me mençurinë e shkodranëve, me bujarinë tuaj për demokracinë.
Faleminderit për Shkodrën e akademikëve dhe artistëve dhe njerëzve punëtorë, ju falenderoj për këtë sinjal të fitores për Shqipërinë dhe për gjithë shqiptarët”, u shpreh Basha.
Pas 25 prillit tha Basha do ta shërojnë Shqipërinë nga virosa 8-vjeçare e qeverisë, por edhe nga pandemia e Covid. Kryedemokrati i kërkoi qytetarëve që të ruajnë distancimin social dhe të mbajnë maska.
“Ju lus merrnin masat e distancës dhe maskat për pandeminë se me 25 prill do ta shërojmë Shqipërinë nga një virozë 8 vjeçare, por duhet të kujdesemi se pas saj do ta mposhtim edhe covidin. Në fillim covidin e madhe dhe pas 25 prillit covidin në gjithë Shqipërinë”, tha Basha.
Për bashkëpunime, publikime reklamash, njoftimesh në ShkodraWeb, mund të shkruani në SMS, Whatsapp, Viber +355 67 300 20 70 ose mail: info@shkodraweb.com në çdo kohë!
