Para pak minutave, ka përfunduar mbledhja e Kryesisë e Partisë Socialiste. Pas saj, ka folur për mediat ministrja e Marrëdhënieve me Parlamentin dhe zëdhënësja e Qeverisë, Elisa Spiropali. Ajo deklaroi se u diskutua në lidhje me zgjedhjet e 30-qershorit. Në një deklaratë të shkurtër për mediat, Spiropali ka komentuar edhe mospjesëmarrjen e opozitës në garën elektorale të 30 qershorit.
“Nuk jemi këtu për të diskutuar e për të vendosur datën e zgjedhjeve, këto janë çështje kushtetuese, ne jemi një parti politike që i përgjigjet kësaj thirrje. Ne nuk do të marrim pjesë në luftë por në zgjedhje dhe shpresojmë që asnjë kryetar të partive politike nuk e ka lënë mendja që të pengojnë shqiptarët të votojnë. Çdo akt dhune është i papranueshëm dhe do të ndëshkohet.
Është një turp që PD ka zgjedhur t’i lërë në rrugë zgjedhësit e saj duke djegur mandatet dhe duke mos hyrë në zgjedhje. Turp për ato parti që kanë marrë këtë vendim. Do bëjmë përzgjedhjet më të mira për kandidatët do t’i zgjedhim sipas kontributit ët tyre”, tha Spiropali.
