Kryetarja e Bashkisë së Shkodrës Voltana Ademi, ka marrë pjesë në mbledhjen e Këshillit Kombëtar të PD-së që po diskuton ndryshimet në statutin e kësaj partie. Në një postim në Facebook Ademi e ka paraqitur situatën krejt normale, ku nuk mungonjnë diskutimet e antarëve. Nga ana tjetër, kryetarja e Bashkisë Shkodër ka lënë të kuptohet se çdokush që ka dashur ka patur mundësi të diskutojë lidhur me këtë dokument të rëndësishëm të PD-së. Në postimin e saj në Facebook, i cili shoqërohet edhe me foto nga mbledhja, Ademi shkruan:
“Këshilli i Kombëtar i Partisë Demokratike të Shqipërisë është mbledhur sonte për të marrë në shqyrtim ndryshimet statutore. Pas Kryesisë së PD-së, Këshilli Kombëtar merr në analizë të gjitha propozimet e ardhura nga grupi i punës i statutit, duke i diskutuar ato nen për nen.
Mbledhja e Këshillit Kombëtar i paraprin me 1 javë mbledhjes së Kuvendit Kombëtar të PD-së, i cili do të miratojë statutin me ndryshimet e propozuara të Partisë Demokratike të Shqipërisë. Gjatë mbledhjes të gjithë të pranishmit kanë patur mundësi të diskutojnë, të japin mendimet e tyre për statutin e ri, i cili hap pas hapi po përmirësohet dhe pasurohet.”.