Kandidati i PS- së për Qarkun e Shkodrës Paulin Sterkaj, është takuar me banorë të fshatrave të Buzë-Ujit. Në përgjigje të interesimit të banorëve kandidati Sterkaj ka bërë të ditur se rruga e amortizuar që i lidh këto fshatra do të rikthehet në parametra normal, ndërkohë që aksi Kamicë – Flakë do të asfaltohet brenda këtij muaji.
Ndërsa është ndalur gjatë për subvencionet e shtuara për fermerët, marrjen e çertifikatave të pronësisë për tokën bujqësore, lehtësimin e proceduarave për aplikimin për përfitim grantesh nga qeveria, ligjin për pensionet dhe shtesa të tjera në ligje të cilat ndikojnë direkt në përmirësimin e kushteve të jetesës për banorët. Nderkohë, ka bërë të ditur se gjatë 4- vjeçarit që vjen, me fitoren e Partisë Socialiste do të investojmë në Malesi aq sa nuk janë investuar për 16 vite të marra së bashku.
Ndërsa sërish është ndalur tek kundërshtari i tij politik Ramadan Likaj duke e garantuar se “Nëse do të jemi dy deputetë malsorë në Kuvendin e ri të Shqipërisë do të jetë shumë më mirë edhe për Malesinë pasi do të bashkëpunojmë ngushtë si malësorë për thithjen e investimeve dhe realizimin e projekteve të reja në turizëm, infrastrukturë, shkolla, qendra shendetësore etj. Malësia ka ndryshuar, e gjithë Shqipëria ka ndryshuar nën drejtimin e Edi Ramës. Prandaj ju kërkoj që me 25 Prill të votoni Partinë Socialiste, numrin 12 dhe numrin 2 në fletën e votimit”, është shprehur gjatë takimit në Sterbeq kandidati për deputet i PS- së Paulin Sterkaj.
Në takim kanë folur dhe kryetari i Bashkisë Malësi e Madhe Tonin Marinaj, Nënprefekti Hysen Hysaj dhe kryetari i PS-së per Malësinë Lulzim Zaraj. Banoret e kanë garantuar se me 25 prill do ta votojnp masivisht PS dhe numrin 2 në fletën e votimit që i korrespondon emrit të kandidatit Paulin Sterkaj.
