Makina përplas motorin dhe merr përpara kalimtarët, dy te vdekur dhe një i plagosur

Një aksident i rëndë ka ndodhur mbrëmjen e sotme në aksin rrugor Burrel –Milot, në vendin e quajtur Muzhak, ku dy persona kanë mbetur të vdekur dhe një tjetër ka mbetur i plagosur rëndë.

Ka qenë një automjet tip “Opel sharon” i cili ka përplasur një motor dhe më pas ka marrë përpara kalimtarët në anë të rrugës, duke u shkaktuar vdekjen dy prej tyre, G.H, rreth 29 vjeç, i cili humbi jetën në vend dhe A.B, 35 vjeç i cili ndërroi jetë gjatë transportimit për në Spitalin e Traumës. I plagosur nga ky aksident ka mbetur E.H, rreth 18 vjeç, banues në Komsi, i cili po transportohet drejt spitalit te Tiranës.

Sipas policisë, drejtuesi i automjetit është larguar nga vendi i ngjarjes pas aksidentit, ndërkohë që blutë janë vënë në ndjekje të tij. Policia po heton shkaqet e këtij aksidenti të rëndë.