Një aksident ka ndodhur në superstradën Lezhë-Milot, pranë fshatit Markatomaj. Raportohet se një automjet tip “Ford” ku udhëtonin një çift bashkëshortësh ka dalë nga rruga dhe ka përfunduar i përmbysur në parcelë.
Nga aksidenti ka mbetur e lënduar gruaja e cila ishte pasagjere dhe është dërguar në Spitalin Rajonal të Lezhës. Policia ka nisur hetimet për zbardhjen e shkaqeve të aksidentit.